ევროპის საბჭოს ქარტია
დემოკრატიული მოქალაქეობისათვის განათლებისა და ადამიანის უფლებათა სწავლების შესახებ
განათლება არსებით როლს თამაშობს ევროპის საბჭოს ძირითად ღირებულებათა გავრცელებაში, ღირებულებათა, როგორიცაა დემოკრატია, ადამიანის უფლებები და კანონის უზენაესობა, ისევე, როგორც ადამიანის უფლებათა დარღვევების აღკვეთაში.
უფრო ზოგადად, განათლება სულ უფრო მეტად აღიქმება როგორც ძალადობის, ექსტრემიზმის, ქსენოფობიის, დისკრიმინაციის და შეუწყნარებლობის აღზევებისაგან დაცვის მექანიზმი.
ამის დასტურია ორგანიზაციის 47 წევრის მიერ, რეკომენდაციის CM/Rec (2010)7 ფარგლებში მიღებული ევროპის საბჭოს ქარტია დემოკრატიული მოქალაქეობისათვის განათლებისა და ადამიანის უფლებათა სწავლების შესახებ. ქარტიაზე მუშაობა რამდენიმე წლის განმავლობაში მიმდინარეობდა, იგი შედეგია ფართომასშტაბიანი კონსულტაციებისა და არ შეიცავს ვალდებულებებს.
ქარტია წარმოადგენს სახელმძღვანელოს მოქალაქეობისა და ადამიანის უფლებათა შესახებ განათლების სფეროში ჩართული პირებისათვის. ვიმედოვნებთ, რომ იგი გახდება წევრ-სახელმწიფოთა მხრიდან ამ მიმართულებით გახორციელებული ქმედებების სახელმძღვანელო და კატალიზატორი, ისევე როგორც საუკეთესო პრაქტიკის გავრცელება-დანერგვისა და სტანდარტების ამაღლების საშუალება, როგორც ევროპის ფარგლებში, ასევე, მის მიღმა.
სკოლების დემოკრატიული მმართველობა
როგორ შეუძლია ყველა მასწავლებელს ხელი შეუწყოს დემოკრატიული მოქალაქეობისა და ადამიანის უფლებათა შესახებ სწავლებას: კომპეტენციათა განვითარების ჩარჩო
გადაწყვეტილების მიღებაზე პასუხისმგებელ პირთა სტრატეგიული მხარდაჭერა
სკოლებში დემოკრატიული მოქალაქეობისათვის განათლების ხარისხის უზრუნველყოფის ინსტრუმენტი
პარტნიორობა სკოლას, საზოგადოებასა და უნივერსიტეტს შორის მდგრადი დემოკრატიის უზრუნველსაყოფად
დემოკრატიული მოქალაქეობისათვის განათლება ევროპასა და ამერიკის შეერთებულ შტატებში
