ადამიანის უფლებებზე დაფუძნებული სკოლები

თქვენ, როგორც სკოლის ხელმძღვანელი, ალბათ უჩვეულო შემოთავაზებას წააწყდებით: შეაფასოთ საკუთარი სკოლა ადამიანის უფლებების ჭრილში. ამ თემაზე ფოკუსირებას შეიძლება ჰქონდეს ბევრი დადებითი ასპექტი, ყველაზე მნიშვნელოვნად კი ითვლება შემდეგი: საკმარისად უწყობს თუ არა ხელს ძირითადი ღირებულებების სისტემა თქვენი სკოლის ინკლუზიურ სწავლებასა და თითოეული მოსწავლის პიროვნულ განვითარებას. მასწავლებლები, სკოლის პერსონალი, მშობლები, სკოლის საბჭო და თავად თქვენც, აქტიურად ხართ თუ არა ჩართულნი ამ ძალისხმევაში და თითოეული თქვენგანი თუ განიცდით ურთიერთპატივისცემას?

ამ მიზნით, გთავაზობთ ხუთი საკითხის განხილვას, რომელთაც ხუთი შესაბამისი კითხვა მოჰყვება:

ხუთივე საკითხისთვის იხილავთ მოკლე შესავალ ტექსტს თქვენი და თქვენი თანამშრომლების ინფორმირებულობის გასაძლიერებლად, რასაც ერთობლივი მიმოხილვის შემდგომ, მოჰყვება ინდიკატორთა სია. საჭიროების შემთხვევაში, შეგიძლიათ, დაამატოთ თქვენთვის საინტერესო სხვა საკითხებიც.

ჩვენი შემოთავაზება თვითშეფასებისთვის შემდეგია:
გუნდთან ერთად აირჩიეთ ხუთი საკითხიდან ერთ-ერთი. ამ არჩეული თემის ფარგლებში, გთხოვთ, ისევ შეამციროთ შეფასების სისტემა თქვენთვის ყველაზე საინტერესო 10 ინდიკატორამდე.