ღირებულებებზე ორიენტირებული განათლება და სწავლა, როგორც სკოლაში ქცევითი პრობლემების პრევენცია

აქტივობა 1

სკოლის ხელმძღვანელისთვის განკუთვნილი კითხვარი თვითშეფასებისთვის, ღირებულებებისა და სკოლის შესახებ

(ეფუძნება „სკოლების დემოკრატიული მმართველობა“ ავტორები: ელისაბეთ ბეკმენი და ბერნარდ ტრაფორდი (2007 წ.), ძირითადი სფერო 2: ღირებულებებზე ორიენტირებული განათლება – არაფორმალური გარემო, გვ. 47).

„ერთგვაროვანი საზოგადოება, რომელსაც საერთო ღირებულებები აკავშირებს, წარსულის ჩაბარდა, თუ საერთოდ არსებობდა ოდესმე. ისტორიულად, საჯარო სწავლება ყოველთვის წარმოადგენდა იარაღს მათ ხელში, ვინც ხელისუფლების სათავეში იყო, რომლის საშუალებითაც ხელისუფლება მისდამი დაქვემდებარებულ სუბიექტებს თავს ახვევდა გარკვეულ ღირებულებებს. ეს პრაქტიკა ჯერ კიდევ ძალაშია, მაგრამ დემოკრატიულ საზოგადოებაში ღირებულებები, რომლებიც ჩვენ გვინდა რომ ჩენმა მომავალმა თაობამ შეითვისოს, ღიად არის დამკვიდრებული და დემოკრატიული პროცესების საშუალებით შენარჩუნებული“.
სკოლების დემოკრატიული მმართველობა, გვ. 42

მხოლოდ ოფიციალურ დოკუმენტებში ასახული მიზნები არაფრის მომტანია, იმ შემთხვევაში, თუ სკოლის ხელმძღვანელისა და სკოლის თანამშრომლების ყოველდღიური საქმიანობა არ ასახავს ამ დოკუმენტებში ჩადებულ პრინციპებს.