თავი 1: ინდივიდუალობა – მე და საზოგადოება, რომელსაც ვეკუთვნი

თავი 1: ძირითადი ცნება – „ინდივიდუალობა“ (დაწყებითი საფეხურისათვის)

ინფორმაცია მასწავლებლებისათვის: რა გავლენას ახდენს მოსწავლეების თვითშეფასება მათ პიროვნებაზე, ჯგუფში მათ მონაწილეობასა და მათ მიერ საზოგადოების აღქმაზე?

„ინდივიდუალობა“ ფსიქოლოგიაში უკავშირდება წარმოდგენას საკუთარი პიროვნების შესახებ (პიროვნების გონებაში ჩამოყალიბებული წარმოდგენა საკუთარი თავის შესახებ), თვითშეფასებასა და ინდივიდუალურობას. გენდერული იდენტობა ინდივიდუალობის ცნების მნიშვნელოვან კომპონენტს წარმოადგენს. იგი მნიშვნელოვნად განაპირობებს პიროვნების მიერ საკუთარი თავის – როგორც პიროვნების აღქმას, ასევე, საკუთარი თავის აღქმას სხვებთან დამოკიდებულებაში და, აქედან გამომდინარე, განსაზღვრავს ამ პიროვნების ქმედებასა და წვლილს ჯგუფში.

„ინდივიდუალობა“ სოციოლოგიაში ფოკუსირებულია ქცევის მოდელის ცნებაზე. ამ თვალსაზრისით, პიროვნება საკუთარი ინდივიდუალობის შესახებ აღმოჩენას აკეთებს სოციალურ გარემოში როლებისა და ფუნქციების შესწავლისა და ამ როლებში პირადი გამოცდილების საშუალებით.

თუმცა ტერმინი „ინდივიდუალობა“, ჩვეულებრივ, პიროვნების ინდივიდუალობას აღნიშნავს – ყველა იმ მახასიათებელს, რაც მას სხვებისაგან გამორჩეულსა და უნიკალურს ხდის. ამასთან, სოციოლოგიაში მოცემული ტერმინი ხშირად სოციალური ინდივიდუალობის აღსანიშნავად გამოიყენება, ან აღნიშნავს კონკრეტული ჯგუფისადმი მიკუთვნებას, რაც პიროვნების ინდივიდუალობას განსაზღვრავს.

ნათელია, რომ ინდივიდუალობა ძალიან მნიშვნელოვან ცნებას წარმოადგენს სხვადასხვა სფეროსათვის. დემოკრატიული მოქალაქეობისათვის განათლებისა და ადამიანის უფლებათა შესახებ სწავლების კონტექსტში ინდივიდუალობას სპეციფიკური დატვირთვა აქვს: როდესაც ადამიანები აცნობიერებენ საკუთარ პოზიციას, მათ შეუძლიათ, დახმარება გაუწიონ ერთმანეთს ინდივიდუალურად და ჯგუფურად. ეს არის პროცესი, რომელიც მთელი ცხოვრების მანძილზე გრძელდება და მუდმივად განიცდის ცვლილებას. პიროვნების მიერ საკუთარი ინდივიდუალობის გაცნობიერების ან აღმოჩენის ხელშეწყობა, აქედან გამომდინარე, ადრეული ასაკიდან არის საჭირო. ამისათვის დიდაქტიკური საშუალებები კი არ გვჭირდება, არამედ პიროვნებისათვის გარკვეული შესაძლებლობების მინიჭება, რათა მან საკუთარი თავი აღმოაჩინოს, ყველა იმ დადებითი და უარყოფითი მხარეებით, რაც ამ პროცესს სდევს თან. ღია და დემოკრატიული საზოგადოების ფუნქციონირება მხოლოდ იმ შემთხვევაში არის შესაძლებელი, თუ ინდივიდუალურ პირებს აქვთ შესაძლებლობა, დაიცვან სხვები ისე, რომ ამ პროცესში არ დაკარგონ საკუთარი ინდივიდუალობა.

დემოკრატიული მოქალაქეობისათვის განათლების მიზანს წარმოადგენს კომპეტენციების განვითარების ხელშეწყობა სამ სფეროში: მოცემულ თავში, ამ კომპეტენციების განვითარების თვალსაზრისით, შემდეგი სურათი გვაქვს:

თავი 1: ინდივიდუალობა

მე და საზოგადოება, რომელსაც ვეკუთვნი

რა გავლენას ახდენს მოსწავლეების თვითშეფასება მათ პიროვნებაზე, ჯგუფში მათ მონაწილეობასა და მათ მიერ საზოგადოების აღქმაზე?