თავი 9: მედია – მედია პრაქტიკაში: გავაკეთებდი, რომ შემეძლოს

თავი 9: ძირითადი ცნება – „მედია“ (დაწყებითი საფეხურისათვის)

ინფორმაცია მასწავლებლებისათვის: მოსწავლეები ერთმანეთს აცნობენ მედიასაშუალებების გამოყენების ხერხებს

როგორც წინამდებარე სახელმძღვანელოს შესავალიდან ვგებულობთ, დემოკრატიული მოქალაქეობისათვის განათლება და ადამიანის უფლებათა შესახებ სწავლება სამ კომპეტენციას მოიცავს. მოცემულ თავში შესული გაკვეთილები ეძღვნება მედიაკომპეტენციას, რომელიც, სამოქალაქო საზოგადოებაში ადამიანთა როგორც აქტიური, ისე პასიური მონაწილეობის ერთ-ერთ ძირითად ელემენტს წარმოადგენს. ამ მიდგომის უკეთ გაცნობიერების მიზნით, კიდევ ერთხელ გთავაზობთ კომპეტენციათა დახასიათებას.

დემოკრატიული მოქალაქეობისათვის განათლებისა და ადამიანის უფლებათა შესახებ სწავლების კომპეტენციები:

ცხრილში მოცემული მეორე კომპეტენცია – „მეთოდების გამოყენების კომპეტენცია“ – მოიცავს მედიაკომპეტენციას, რომელიც ძირითად ელემენტად უნდა იქნეს მიჩნეული. წინამდებარე თავში ყურადღება გამახვილებულია არსებულ მედიასაშუალებებთან მუშაობის უნარზე, მისი შესაძლებლობების გამოყენებისა და მისი საზღვრების გარკვევის უნარზე. მედიაგანათლებაში განარჩევენ მედიაკომპეტენციის ოთხ განზომილებას, ესენია:

ტექნიკური მედიაკომპეტენცია:

• მედიის სწორედ გამოყენების უნარი და მასთან დაკავშირებული კრეატიული შესაძლებლობების შესახებ ინფორმაციის ფლობა.

კულტურული მედიაკომპეტენცია:

• მედიის „კოდებისა“ და გამოხატვის ყველა ესთეტიკური და საზოგადოებრივი ფორმის შესახებ ცოდნა. დახელოვნებულ მომხმარებელს შეუძლია მედიაკოდების გაშიფვრა, მედიასაშუალების მიერ მოწოდებული ინფორმაციის სწორი აღქმა და გაგება და ამ ინფორმაციის სხვა მიზნებისათვის გამოყენება.

სოციალური მედიაკომპეტენცია:

• კომუნიკაციის არსებული განსხვავებული ფორმების გონივრულად გამოყენების უნარი. ურთიერთობები სულ უფრო და უფრო მეტად ხდება მედიაზე დამოკიდებული, მათ შორის დომინირებს სხვადასხვა ფორმის „სოციალური პროგრამები“.

რეფლექსიური მედიაკომპეტენცია:

• მომხმარებელი ფლობს მედიის ფუნქციის კრიტიკული ანალიზის უნარს და, ასევ,ე კრიტიკულად უდგება მის საკუთარ დამოკიდებულებას მედიის მიმართ, მოცემულ მომენტში.

მედიაწიგნიერების ნებისმიერი მიმართულება მოიცავს ამ ოთხ განზომილებას. დემოკრატიული მოქალაქეობისათვის განათლება და ადამიანის უფლებათა შესახებ სწავლება ამ კონცეფციათა მხოლოდ ზოგიერთ ასპექტს ეხება და იგი არ ანაცვლებს მედიაგანათლებას. მაგრამ, მედიაგანათლებასთან დაკავშირებული მიზნებიდან გამომდინარე, ისინი წარმოადგენს მედიაგანათლების ძირითად სტრატეგიებს. მასწავლებლის მიერ ტექნიკური მედიაკომპეტენციის ფლობასა და საკლასო გარემოში მედიასაშუალებების გამოყენებას შორის პირდაპირი კავშირი განაპირობებს წინამდებარე თავის მნიშვნელობას. ბევრი მასწავლებელი ღიად აღიარებს, რომ მათ არ იციან, როგორ გამოიყენონ და როგორ იმუშაონ სხვადასხვა ტიპის მედიასაშუალებებთან, ან რომ ისინი ვერ ხედავენ გაკვეთილზე მათი გამოყენების შესაძლებლობებს. თუმცა ერთი რამ ცხადია: რაც უფრო კარგად ფლობს მასწავლებელი სხვადასხვა ტიპის მედიასაშუალებას, მით უფრო ხშირად იყენებს იგი სწავლების პროცესში.

წინამდებარე თავში განხილულია პრაქტიკული მედიაკომპეტენციები, რომელსაც უნდა ფლობდეს როგორც მასწავლებელი, ასევე, მოსწავლეები. მას შემდეგ, რაც განხილულ იქნება ეს კომპეტენციები, შესაძლებელი გახდება მედიის გამოყენებაზე ყურადღების გამახვილება და კონკრეტული სამუშაო თემის შერჩევა.

დემოკრატიული მოქალაქეობისათვის განათლების მიზანს წარმოადგენს კომპეტენციების განვითარების ხელშეწყობა სამ სფეროში: მოცემულ თავში, ამ კომპეტენციების განვითარების თვალსაზრისით, შედეგი სურათი გვაქვს:

თავი 9: მედია

მედია პრაქტიკაში: გავაკეთებდი, რომ შემეძლოს

მოსწავლეები ერთმანეთს აცნობენ მედია საშუალებების გამოყენების ხერხებს