გაკვეთილი 4: ჩვენი პირველი გამოცემა!

ძირითადი ცნებები

დისკუსია (,,არგუმენტების გაცვლა’’, მომდინარეობს ლათინური სიტყვიდან discussio) არის ვერბალური კომუნიკაცია ორ ან მეტ ადამიანს შორის, რომელიც ეხება ერთ ან რამდენიმე საკითხს და რომლის დროსაც თითოეული მხარე საკუთარ არგუმენტებს წარმოადგენს. დისკუსია უნდა გაიმართოს ურთიერთპატივისცემის პრინციპის გათვალისწინებით. კარგი დისკუსია საშუალებას აძლევს მოსაუბრეებს, წარმოადგინონ განსხვავებული მოსაზრებები და სათანადო ყურადღებით განიხილონ ისინი. პიროვნული მახასიათებლები, როგორებიცაა: სიმშვიდე, თავშეკავება და ზრდილობიანი საქციელი, მომგებიანია დისკუსიაში მონაწილე ორივე მხარისათვის. საუკეთესო დისკუსია სრულდება პრობლემიდან გამოსავლის მოძებნით ან კომპრომისით, რომელიც ყველა მხარისათვის მისაღებია.

თანამედროვე საზოგადოებაში დისკუსია არის ინტერესთა და მიზანთა კონფლიქტის მოგვარების ცივილიზებული, არაძალადობრივი საშუალება. კონფლიქტის ჩახშობის ნაცვლად ხდება კონფლიქტის მოგვარება. დისკუსიის უნარის განვითარება დაეხმარება მოსწავლეებს ცხოვრებისეული პრობლემების მშვიდობიან მოგვარებაში.

თუ გავაგრძელებთ:

– რა უნდა გავითვალისწინოთ?

– დროში ხომ არ ვიქნებით შეზღუდულები?

-რა ტექნიკური საშუალებები გაგვაჩნია?

– როგორ უნდა უზრუნველვყოთ, რომ ჩვენი გაზეთი არ გახდეს ვანდალიზმის მსხვერპლი?

– რა ფინანსური რესურსები დაგვჭირდება? როგორ უნდა მოვიზიდოთ ეს რესურსები?

ვინ არის დაინტერესებული?

– მთავარი რედაქტორი

– რედაქტორთა კომიტეტი

– რა არის მასწავლებლის როლი და პოზიცია?

– სახელები:
–
–
–
–
–

-როგორ ჩავრთოთ სხვა მოსწავლეები ამ პროექტში?

-კიდევ რომელი მასწავლებლები ჩაერთვებიან ჩვენს პროექტში?

-შეგვიძლია უზრუნველვყოთ გასვლები რედაქციებში (ბეჭდვითი მედიის, ტელემაუწყებლობის ან ელექტრონული მედიის)?

-შეგვიძლია გავაკეთოთ ინტერვიუ ჟურნალისტთან, როგორც ექსპერტთან?