Справување со контроверзни прашања во училницата – идеи за вежба

Безбедното управување со дискусија за контроверзно прашање во училницата бара повеќе вештини кај наставникот. Еве 4 идеи за активности за обука кои ќе помогнат да се развијат некои од овие вештини кај вашите вработени.

1. Како да се справиме со сопствените лични верувања и пристрасности

Дајте им на наставниците одбрани слики од лица на луѓе (извадени од списанија). Прашајте, „Кој од нив е терорист? “ и нека ги објаснат своите размислувања за доаѓање до одговор. Потоа објаснете дека нема точен одговор. Искажаните уверувања и пристрасност се во главите на наставниците. Продолжете со замолување на наставниците да се обидат да ги идентификуваат (несвесните) верувања и пристрасности што можеби ги имаат во однос на конкретни контроверзни теми со кои можеби ќе се сретнат на училиште.

2. Како да се одговори на расистички и други навредливи коментари

Направете неколку сценарија во кои учениците даваат расистички или други навредливи коментари. Побарајте од наставниците во групи да размислуваат и да разговараат за различни начини за одговор на овие коментари, земајќи ги предвид нивните предности и недостатоци Експериментирајте со различни одговори, како што се „Од каде ја добивте таа идеја?“, Или „Дали сфаќате колку повредувачки им звучи ова на некои луѓе? “Размислете за тоа кога и како би било соодветно да ги запознаете учениците со концептот на „говор на омраза“.

3. Како да ги мотивираме учениците да разгледаат и други гледишта

Наставниците искажуваат свои ставови за голем број контроверзни теми. Побарајте од нив да го изберат оној за кој имаат најсилно мислење и да се обидат да дебатираат во прилог на спротивната гледна точка. Дајте им можност на колегите да се преиспитаат себе преку усвојувањето на оваа улога. Испитајте ги со прашување што научиле од искуството со ваквите ставови и луѓето што ги поддржуваат. Размислете за тоа кога и како може да се користи оваа вежба со ученици во училиште.

4. Како да ги спречите емоциите да не ја зовријат атмосферата во училницата

Замолете ги наставниците во групи да експериментираат со „де-персонализирање“ на прашањата што можат да ги користат при олеснување на дискусија во училницата, т.е., со тоа што ќе ги направат општествени наместо лични прашања. На пример, менување на „Што мислите за работниците – мигранти?“ во „Што мислат луѓето за работниците – мигранти?“ Вежбајте со различни примери. Разговарајте за ефектот што може да има оваа промена на јазикот врз дискусиите во училиштето и ситуации во кои ова може да биде вредно.