Наставата како пристап на целото училиште

Living Democracy » Principals » УЧЕЊЕ » Делување » Наставата како пристап на целото училиште

Заедничка настава (Живеење во демократија книга I, Образование за демократија, стр. 110 стр.
http://living-democracy.com/mk/textbooks/volume-1/part-2/unit-5/chapter-2/lesson-10/

Освен тимската настава, наставниците се сами на своите часови. Со текот на времето, тие можат да имаат пропусти во нивната интеракција со учениците, а тие можат да се откријат само преку надзор од колеги. На наставникот можеби ќе му треба поддршка во извршувањето на својата работа. Повратните информации од учениците се секогаш корисни, но повратните информации од колегите имаат различен квалитет, бидејќи колегите имаат професионална перспектива на исто ниво. Поради оваа причина, наставниците честопати избегнуваат да ги отвораат своите часови за посета од колеги. Следното упатство може да помогне да се охрабрат наставниците да се обидат со надзор од колеги (види Живеење во демократија книга I, Образование за демократија, стр. 111 https://www.living-democracy.com/mk/textbooks/volume-1/part-2/unit-5/chapter-2/lesson-11/).

Големина на тимот:	Три наставника прават тим за повратна информација од колеги.
Организација:	Наставниците меѓусебно се посетуваат на час двапати во текот на учебната година, така што секој наставник го посетуваат двапати двајца колеги и посетува четири часа како набљудувач. Тимовите се одговорни за планирање на нивните посети, земајќи го предвид нивниот распоред. По часот, наставникот го споделува своето гледиште за лекцијата, а наставниците што посетуваат даваат повратни информации.
Релевантност со предметот:	Наставниците меѓусебно си гинабљудуваат часовите за ОДГ/ОЧП. Не е неопходно самите да го предаваат предметот.
Составување на групата:	Сочувството и довербата се важни при формирањето тимови за надзор од колеги. Треба да биде јасно дека она што колегите го гледаат на час е доверливо.
Задача на директорот:	Улогата на директорот е да води сметка за минималниот број посети во тимот. Директорот не треба да се вклучува во дискусии за проблеми во наставата.
Тематски фокус:	Прашањата што можат да бидат во фокусот на овие посети можат да произлезат од различни интереси или односи: а) наставникот сака да добие повратна информација за одредено прашање, б) воведен е нов наставен план, метод или активност и треба да биде оценет или в) педагошките принципи (на пример, формулирани во програмата или профилот на училиштето) треба да се евалуираат.