На почетокот или на крајот: Мојата лична образовна историја

Living Democracy » Principals » УЧЕЊЕ » Делување » На почетокот или на крајот: Мојата лична образовна историја

Оваа активност може да работи како прва активност од целата серија претставена овде, или како завршна, на крајот на серијата. Единствената работа што се менува е разгледувањето кое се јавува или како почетна или завршна дискусија за Дејствување.

Цели на учење	Да се воочат лични врски, позитивни и негативни страни во врска со образованието
Задачи	Наставниците истражуваат, идентификуваат и дискутираат како тие учеле во текот на нивниот живот, што продолжуваат да учат, кои се нивните интереси и специјални вештини итн.
Ресурси	Работен лист од Живеење во демократија, книга 1, страна 60
Методи	Индивидуална работа, пленарна дискусија

Поделете копија за секое лице од работниот лист на секој наставник.
Обезбедете временска рамка од неколку дена за наставниците да работат со него индивидуално и одредете датум за општа дискусија.
На поставениот датум и време, наставниците се состануваат за да ги споделат и да дискутираат за нивните наоди. Тие можат или прво да работат во групи, а потоа да се состанат на пленарниот состанок, или да започнат да разговараат за нивните наоди на пленарна средба. Може да се наведат следниве точки:
- Потреби за учење и обука, на пр. академска стручност, наставни методи, разбирање на процесите на учење
- Споредба и дискутирање на наставните упатства кон кои наставниците се придржуваат
- Мерки за намалување на стресот и подобрување на ефикасноста во секојдневната работа
- Дискутирање за значењето на учењето и наставата и поврзаноста со училишниот живот како целина.

Во зависност од контекстот, оваа сесија служи за планирање на натамошно дејствување, со осврнување на материјалите во оваа секвенца, или евалуација на досега преземените активности и размислување за понатамошни чекори.

Работен лист

(од Живеење во демократија, книга 1, Образование за демократија страна 60)

http://living-democracy.com/mk/textbooks/volume-1/part-2/unit-1/chapter-2/lesson-2-2/

Како да ги земам предвид моите наставнички вештини и знаења

Какво општо искуство, вештини и знаење имам?

До кој степен е нецелосно моето знаење – осврнувајќи се на содржини од предметот, целите, соодветните наставни методи и процесите на учење?

Во кои полиња сакам дополнително да се едуцирам (општо знаење, наставни методи, професионални вештини, лични квалитети, рутина, итн.)?

Кој концепт на човековата природа служи како моја општа водилка?

Која е теоретската рамка, или поедноставената верзија на теоријата, што ја води мојата работа како учител?

Како би го опишал и класифицирал односот со моите ученици?

Каде се моите лични граници во врска со работното време, стресот, итн.? Како можам да го искористам мојот личен работен капацитет?

Како можам да го намалам обемот на работа со подобро планирање во однос на мојата работа и други активности?

Како да го користам и да го зголемам својот временски буџет, како да се справам со изворите на личен стрес?