Поврзување на учењето со реалниот свет: Проверка на моите наставни цели

Living Democracy » Principals » УЧЕЊЕ » Делување » Поврзување на учењето со реалниот свет: Проверка на моите наставни цели

За учењето да биде значајно, учениците мора да бидат во можност да ги поврзат резултатите од учењето со нивното искуство и интереси во реалниот живот. Затоа, од суштинско значење е наставниците да ги проверат своите цели ако имаат намера да го поврзат своето предавање со реалниот свет.

Вовед во задачата, нејзината цел и фокус.
Наставниците со исти или поврзани предмети формираат групи.
Дистрибуирајте го работниот лист.
Оставете време членовите на групата да го пополнат списокот.
Членовите на групата разговараат за нивните одговори.
Според нивната важност, тие ги подредуваат прашањата, рангирајќи ги по бројки во секој ред.
Групите ги презентираат своите први три приоритети.
Испитување, водено од следниве прашања:
- Дали се согласуваме за нашите приоритети?
- Зошто целите на часовите се клучни за поврзување на часовите со реалниот свет?
- Колку е изводлив ваквиот список во нашето училиште?
- Кои се главните пречки при примена на таков список во нашата секојдневна наставна практика?

Работен лист

Од Живеење во демократија, книга 1, Образование за демократија, Задача и клучни прашања, страни 67-68: http://www.living-democracy.com/mk/textbooks/volume-1/part-2/unit-2/chapter-2/

Кои цели сакам да ги постигнам?
Кои компетенции ќе бидат најважни на крајот на темата?
Какви причини имам за изборот на овие цели?
Кои приоритет им давам на моите цели (примарни и секундарни цели)?
Кои цели се сега важни – за класот како целина, за поединечни ученици, машки и/или женски?
Дали внимавав дека целите кои ги одбрав им служат на главните интереси и потреби на моите ученици?
Дали моите часови навистина одговараат на тоа со што се зафатени моите ученици?
Дали е возможно учениците да учествуваат во дефинирањето или избирањето на целите на учење?
Колку време (часови и недели) е одделено за постигнување на целите?
Кои цели треба да ги постигнат сите ученици во даденото време за настава (општ стандард за постигнувања)?
Дали треба да се дефинираат посебни нивоа на постигнувања за поединечни ученици (образование според индивидуална способност)?
Дали им овозможив на учениците да продолжат од знаење кон делување, т.е. дали можат самоуверено да го применат стекнатото знаење?
На што да се концентрирам во мојата настава – когнитивни, лични или социјални компетенции?
Дали имам јасна замисла за краткорочните и долгорочните цели кои се од првенствена важност за мојот клас, за групи на учење, за поединечни ученици и ученички?
Дали јасно и изречно ги кажав целите?