Настава за демократија и човекови права како пристап за целото училиште

Позицијата на директорот може значително да се разликува од една до друга земја, но начинот на кој луѓето учат најдобро останува ист. Соработката и учењето од колеги, т.е. наставници што учат од наставници, не само што го подобруваат квалитетот на наставата и учењето во вашето училиште, туку и ресурсите за развој на вашето училиште. Овој процес зависи од вашата одлука да го иницирате заедно со вашите наставници и да го организирате и поддржите.

Демократските заедници зависат од образовани граѓани

На нашите сè покомплексни и подинамични општества им треба ОДГ / ОЧП како заедничка позадина на секоја наставна активност на училиште, како на часовите така и надвор од нив. Нивото на образование што им е потребно на учениците денес значително ги надминува едноставните способности да читаат, пресметуваат и пишуваат. Наместо тоа, образованието што им е потребно на учениците денес вклучува

• подобро разбирање на светот;
• логично, критичко и креативно размислување;
• способност за поврзување на апстрактното со конкретното;
• способност за разбирање на апстрактни концепти и симболи;
• способност за толкување на фактите и наодите од истражувањето;
• способност за учење самостојно и колаборативно;
• накратко, да станат функционално писмени.

Демократските заедници зависат од образовани и компетентни граѓани. Образованието за демократско граѓанство и човекови права (ОДГ/ОЧП) се однесува на сите компетенции споменати погоре и ги збогатува со вредностите и ставовите што ја сочинуваат културата на демократијата. Погледнете во Компетенции за демократска култура.

ОДГ/ОЧП како пристап на целото училиште

Писменоста ги проширува и ги премостува границите помеѓу специјализираните полиња на науката и знаењето. Покрај тоа, таа создава заедничка основа што ги засилува опсегот и целите на секој академски предмет, што подобро ги подготвува учениците за предизвиците на денешницата и во иднина. ОДГ/ОЧП одговара на некои од итните контроверзни теми на нашите општества и обезбедува таков концепт на писменост за пристап кој е меѓу-програмски и за целото училиште. На ниво на училишни предмети, наставата и учењето не треба да се преобмислат или реструктуираат. Наместо тоа, тие треба да бидат интегрирани во поширока перспектива, приближувајќи ги како дел од една целина. Секој предмет се фокусира на специфични содржини во наставната програма и специфичните методи и начини на размислување што ги бараат тие содржини и теми. Од перспектива на цело училиште, училишните предмети можат да се замислат како еден хор. Секој глас е се слуша јасно, но хорот како целина ја пее истата песна, што значи дека училиштето како целина ги дели истите образовни цели.

Заедничка позадина

Пристапот за цело училиште во наставата ги охрабрува наставниците да работат кон една група во училишната заедница, бидејќи нивно учење, без оглед колку се различни нивните предмети, дели специфични цели, потреби и предизвици. Сите наставници им служат на учениците од иста возрасна група и се соочуваат со иста различност меѓу нив, на пример во нивниот капацитет за учење. Покрај тоа, стекнувањето на култура на демократија е задача и за целото училиште.

Следи дека во образованието за демократија и човекови права, на училиштата им е потребен меѓу-програмски пристап за да им пренесат знаење и разбирање за демократијата и човековите права на своите ученици и да ги практикуваат вештините и ги поучуваат ставовите и вредностите кои им требаат на граѓаните за да учествуваат и да ја поддржуваат демократијата. Овој кохезивен, колективен и колаборативен начин на предавање, исто така, вклучува и училишни работници, родители и локалната заедница. Освен тоа, овој пристап ја збогатува и јакне наставата како основен принцип на училишниот живот, на час, во училишниот двор и мензата, па дури и надвор од просториите на училиштето. Нема академска наука или предмет кој може да се отпише од служењето на таа образовна потреба.