Што, зошто, за што и како учиме да влијаеме на начинот на кој граѓаните се гледаат себеси во едно општество

Училиштето е местото каде што учениците се подготвуваат за своите улоги како граѓани и носители на одлуки во животот на возрасните. Покрај тоа, училиштето е повеќе од место каде што учениците се подготвуваат за живот – училиште Е животот. Кога воспитувачите и учениците го признаваат овој факт, директорот мора да го прифати предизвикот и да го води патот. Прашањето за што, зошто, за што и како учиме не треба да се сфаќа несериозно. Тоа е клучното прашање што образовните професионалци и практичари треба да го одговорат секогаш кога размислуваат како најдобро да им служат на своите ученици. Ве насочува вас, директорот на училиштето, а особено оние наставници кои си поставиле цел дека сите ученици треба да ги постигнат своите најдобри можни резултати, да усвојат пристап насочен кон учениците. Што значи тоа?

Завиткана кутија за подароци

На почетокот на учебната година, секој наставник држи завиткана кутија за подароци во неговата или нејзината рака. Нејзината содржина се
опишува како наставна програма, па дури и како учебник, кој треба да се даде, врачи или да се предава на учениците и да се учи на одредено ниво. Во помала мера, кутијата со подароци содржи делчиња од природните науки. Министерството за образование, или локалните власти ги составиле основните содржини. На наставникот му останува да одлучи како да ја подготви оваа кутија, како да им се претстави на учениците со инструкции по нејзиното распакување. Иако содржините може да бидат исти, наставниците можат да најдат многу начини да ги наредат во кутијата. Тие исто така можат да импровизираат за тоа како да ја преуредат содржината, како да ја завиткаат и украсат, како да им ја дадат на учениците со предлози за како таа да се отпакува. Дури и ако оваа постапка – која се однесува на процесот на предавање и учење – се повторува од година во година, има толку многу различни начини за секој чекор, така што интеракцијата помеѓу учениците и наставниците може да се покаже како нова и различна секој пат.

Од што се состои кутијата за подароци?

Завитканата кутија е интересна сама по себе, и уште повеќе ако нејзината обвивка му се допаѓа на примачот. При избор на подарок, може да се земат предвид сопствените интереси, или тие на примачот. Во зависност од изборот на давателот, завитканата кутија за подароци може да донесе радост или катастрофа. Наставниците ги имаат сите потребни средства за да се осигурат дека овој подарок ќе биде успешен. Тие ја совладале својата струка и преку искуството знаат многу за потребите и интересите на учениците. Љубопитноста е природна карактеристика на човечкиот род. Еволуцијата на цивилизацијата ѝ ја должиме на љубопитноста. Ако наставниците успеат да го претстават својот предмет како нешто што треба да се открие или кажано поинаку, да се „отпакува“ и ако, исто така, успеат да создадат љубопитност за тоа, тие ќе им помогнат на своите ученици да ги прошират своите интереси над нивните лични проблеми и да го прошират својот поглед со гледање надвор од нивната лична сфера на животот.

Каков отворач на кутија за подарок сте вие?

Без оглед на тоа дали кутијата за подароци се отпакува насамо или заедно со другите, постојат неколку начини на користење на сосема нов предмет. На некои им треба прирачник пред да го допрат, додека други се подготвени да ги прифатат ставовите и предлозите на кој и да е присутен. Трета група, која нема потреба од ниту едно од горенаведените, им е потребно време сами да бараат, допираат и експериментираат. Во сите ситуации, целиот овој настан вклучува најмалку две лица, давателот и примачот, но има влијание врз поголем број на луѓе околу себе. Всушност, тоа е нешто како ефектот на пеперутка која ги мавта крилјата некаде јужно, а далеку на север се разбеснува торнадо. Тоа е социјална работа. Потребни се компетенции за добро искористување на пакетот, вклучително и извесно знаење за содржините, разбирање на нивните карактеристики, но и методи и вештини за нивно претставување и дискутирање, како и став на одговорност кои отпакувањето, сопственоста и користењето на содржината може да го создадат.

Интересно е што содржината може да биде различна, но процесот на користење е во основа сличен. Она што е повозбудливо е што овој процес е клучен за самодовербата и улогата на учениците како граѓани во едно општество. Она што е уште повозбудливо е дека директорот на училиштето е тој што ја спроведува целата оваа прослава, затоа што се однесува на професијата на сите наставници, без оглед на нивните специфични профили.