Поддршка на учениците за стекнување на компетенции за демократска култура (КДК)

Учениците ги учат компетенциите за демократска култура во групи, или холистички, преку поврзување на вредности, вештини, ставови и знаење и разбирање. Тие ги стекнуваат компетенциите ставајќи ги во дејство и главно преку интеракција и меѓусебна соработка. Ова го поставува прашањето што наставниците и директорот на училиштето можат да направат за да ги задоволат потребите за учење на нивните ученици. Овој прирачник се фокусира на одлучувачкото влијание на поддржувачката методологија и околината за учење за КДК. За поцелосен приказ и цитати, видете Референтна рамка на Компетенции за демократска култура, издание 3, Упатство за спроведување, стр. 92 f.

На ниво на одделение

• Наставниците можат да создадат „отворена, партиципативна и почитувана средина во училницата“ што им нуди на учениците безбеден простор за учење. Тука, тие можат да се чувствуваат слободни да ги искажат своите ставови и емоции.
• Наставниците можат да создадат можности учениците да преземат одговорност за нивното учење и да учествуваат во планирањето на часовите.

На ниво на училиште

• Наставниците можат да соработуваат помеѓу наставната програма за да се олеснат формите на кооперативно учење.
• Наставниците можат да соработуваат за да вклучат КДК во наставната програма и да обезбедат правичност за сите ученици.
• Наставниците можат „да создадат можности за учениците да стекнат позитивно висококвалитетно искуство за учество преку проекти во кои искуствата се фокусирани на теми што се од значење за самите ученици“ (видете во историјата на случај во Прирачникот за подигнување на свеста 3.1). Наставниците можат да ги охрабрат учениците да учествуваат во процесите на донесување одлуки и во училиште (види Тема 3) и во локалната заедница.
• Наставниците можат да организираат воннаставни активности за аспекти на ОДГ/ОЧП.
• Наставниците можат да организираат проекти за ОДГ/ОЧП, на пр. дебатирачки општества (види http://www.living-democracy.com/textbooks/volume-4/part-3/unit-8/)

На ниво на училиште, директорот игра клучна улога во создавање на пoддржувачки околини за учење и можности за учениците во учењето КДК, преку охрабрување, поддршка и координација. На пример, учењето КДК може редовно да е вклучено во агендата на состаноците на персоналот.

Слободната размена на мислења за контроверзни прашања во безбедна атмосфера на взаемно почитување може да го поддржи развојот на повеќе компетенции за демократска култура, вклучително и

• Јазични вештини, како што е можноста да се изразат јасно и кратко;
• Самоефикасност и емпатија;
• Толеранција на двосмисленост;
• Вреднување на демократијата и праведноста;
• Знаење и критичко разбирање на темата за која се дискутира.