Час 4: Поединци и групи

Информација

Дискусија, (размена на аргументи, од Латински discussion, т.е. аргумент) е специфична форма на вербална комуникација помеѓу две или повеќе личности во која едно или повеќе прашања се дискутираат, со тоа што секоја страна застапува по едно гледиште. Дискусијата треба да се одвива во духот на меѓусебно почитување. Добар начин за дискутирање бара од учесниците да дозволат другите да си го искажат своето мислење, па дури и да ги охрабрат да го направат тоа, а не само да се наметнува нивното мислење, и внимателно да ги разгледуваат истит,е а не остро и отсечно да ги отфрлаат. Личните квалитети како смиреност, држење и учтивост претставуваат предност и за двете страни. Во најдобар случај, дискусијата ќе доведе до решавање на проблемот или компромис кој ќе биде прифатен од сите вклучени страни.

Во модерните општества, дискусиите се цивилизирани- ненасилни- начини за справување со контроверзија и справување со конфликти на интереси и цели. Токму поради тоа, конфликтите не се потиснуваат туку се решаваат. Со изучување и вежбање на своите вештини за дискусија, учениците го изучуваат основниот елемент за постигнување и одржување на мир во едно општество.