ГЛАВА 6: МОЌ И АВТОРИТЕТ – Јас сум главниот! Навистина?

Глава 6: Основен концепт- “Моќ и авторитет” (за основно ниво)

Основни информации за наставниците: легитимна моќ- принципи на делегирање на основно ниво

Учениците на 10-годишна и поголема возраст знаат да размислуваат во апстрактни термини. Можат да препознаваат и развиваат структури во својата околина и можат да прават разлика помеѓу своите лични интереси и интересите на другите. Како што растат, сè повеќе ќе можат да го прават тоа.

Започнувајќи од 10-годишна возраст, учениците почнуваат да ја разбираат врската помеѓу времето и просторот, како и да ја развиваат способноста за искажување и примање чувства и да ги препознаваат нормите. До оваа возраст, учениците веќе ја имаат запознаено својата животна околина и започнуваат да се интересираат за непознатото. Нивната перцепција за социјалните системи (здруженија, клубови, младински групи, итн.) стануваат подетални и токму поради тоа се повеќе мотивирани и инволвирани во одбрана на другите луѓе и лобирање за нивните интереси.

Животот во заедницата, во класот и училиштето станува поважно. Како е организиран животот во локалната заедница? Кои правила се важни? Кој ги поставува овие правила и кој одлучува за нив? Кој може да ги промени тие правила?

Во потрага по одговори на овие прашања, не е потребно само да се познава политичкиот систем на заедницата, или во поширока смисла, на државата, туку исто така способноста да се влијае врз структурите и процесите во заедницата – со други зборови, да се живее во демократија.

Особено на второто ниво, од 5то до 8мо одделение, условите за започнување на проекти кои ќе се одвиваат надвор од училиштето и во кои тие ќе учествуваат се многу позитивни за развојната психологија на децата. Учениците можат да препознаат циклус на политички процеси и да ги разберат процесите на донесување на одлуки. Исто така, повеќето од одлуките кои се однесуваат на децата на таа возраст се носат на ниво на заедница (како превоз, слободни активности, итн.). Учениците може да стекнат важни претстави ако се охрабрени да преземаат одредена општествена одговорност и ако се чувствуваат одговорни за дел од нивниот училишен живот. Со обработка на теми како делегирање, тие можат да стекнат одредено искуство на учество и одговорност во нивниот секојдневен живот. Колку повеќе учениците на таа возраст имаат реални искуства, и колку повеќе учествуваат во ситуации во кои можат да имаат влијание врз влијателни политички процеси, толку е поголема веројатноста дека тие ќе учествуваат во процеси на донесување на одлуки понатаму и ќе развијат чувство за одговорност во општеството.

Моќта и авторитетот – принципот на делегирање – е еден чекор до развивање на свеста. Следната серија на часови ги визуелизира политичките процеси во училиштето на начин кој е аналоген на оние надвор од училиштето. Во тој поглед, избирањето на одговорно лице во класот не треба да е изолирана активност, туку нешто што треба да претставува модел. Во споредба со училишните активности како замислени избори, каде учениците глумат или ја повторуваат глумата за политички избори, избирањето на одговорно лице на класот би требало да има влијание на секојдневниот училишен живот.

Целта на образованието за демократско општество и човекови права е да го поддржи развојот на компетенциите во овие подрачја. Оваа глава го има следниот компетенциски профил:

Глава 6: Моќ и авторитет

Јас сум главниот! Дали навистина?

Легитимна моќ- принципот на делегирање за основно ниво