ABC-ja e ueb faqes së shkollës – transparenca dhe demokracia

E- Demokracia, e njohur edhe si demokracia digjitale ose demokracia e internetit, përfshin teknologjinë e informacionit dhe komunikimit të shekullit 21 për të promovuar demokracinë.

Megjithëse disenjimi i ueb faqes së shkollës suaj mund të jetë punë e specialistit, si drejtor ju ende e keni fjalën e fundit, si dhe përgjegjësinë, lidhur me përmbajtjen, përditësimin, sigurinë dhe efektivitetin e përdorshmërisë së saj. JU vendosni qëllimin për ueb faqen e shkollës suaj si mjetin tuaj më të rëndësishëm institucional përmes internetit.

Është pika juaj qendrore e informacionit në internet dhe hapësira ideale për të promovuar lajmet dhe arritjet e shkollës suaj. Është mjeti juaj për ta promovuar transparencën e brendshme dhe të jashtme. Është një element i të kuptuarit TUAJ të demokracisë.

Të pasurit e një liste kontrolli do të sigurojë që të mos anashkaloni ndonjë element të rëndësishëm të komunikimit të shkollës suaj përmes internetit:

Detajet e kontaktit të shkollës

Ueb faqja e shkollës suaj duhet të përfshijë:

• emrin e shkollës
• adresën e shkollës
• numrat e telefonit dhe faxit të shkollës
• e-mail adresën e shkollës
• emri i personit (personave) përgjegjës për t’u marrë me pyetjet nga prindërit dhe publiku

Aranzhimet e regjistrimit të nxënësve në shkollë

Ju mund të ofroni informata lidhur me:

• kur dhe si do të shqyrtoni aplikimet për çdo grupmoshë
• çfarë duhet të bëjnë prindërit nëse duan të aplikojnë që fëmija i tyre të vijojë në shkollën tuaj

Nëse autoriteti lokal është përgjegjës për pranimin e nxënësve, shkruani se prindërit duhet ta kontaktojnë autoritetin lokal drejtpërdrejt për të marrë më shumë informacion rreth regjistrimit.

Informacioni për nevojat e veçanta arsimore dhe paaftësinë

Duhet të përfshini informacion për çdo aranzhim të posaçëm të pranimit, lehtësira për qasje dhe staf pedagogjik të specializuar.

Deklarata e vlerave dhe karakterit

Faqja juaj e internetit duhet të përfshijë deklaratën e misionit ku përfshihet karakteri dhe vlerat e shkollës suaj.

Lajmet

Përmbajtja mund të përfshijë:

• Lajmërimet
• Njoftimet për media: udhëzime e deklarata
• Multimedia: Imazhe, video, audio ekstrakte
• Opinione

Hapësira e nxënësve

Përmbajtja mund të përfshijnë:

• Buletinin elektronik të nxënësve
• Hapësirën për paraqitjen e projekteve grupore të nxënësve
• Burime edukative nga interneti dhe vegëza për kurrikula të nxënësve
• Bashkëpunimin me shkollat tjera, garat, vizitat

Këshilla të dobishme:

• Kontrolloni përputhshmërinë e ueb faqes suaj me pajisjet mobile.
• Lekturoni tekstet tuaja. Kontrolloni shpesh për gabime drejtshkrimi.
• Siguroni pëlqimin prindëror për gjithë materialin vizual.
• Rregullisht përditësoni informatat.