Mësimi 3: A është e drejtë? (vazhdim)

Pakicat dhe shumicat në oborrin e shkollës

Përshkrimi i mësimit

Nxënësit ulen së bashku në grupet e tyre dhe shohin me kujdes shënimet nga mësimi i mëparshëm.
Ata diskutojnë se si do të paraqesin rezultatet e hulumtimit të tyre. Mësuesi u jep nxënësve një tabak  të madh letre,  tw cilwn nxënësit do ta përdorin  për të bërë një poster.

Grupet pastaj punojnë për prezantimin e rezultateve të tyre. Këto rezultate duhet të ndahen në tri
pjesë të mëdha në poster:

• rezultatet sasiore (pasqyrë statistikore);
• rezultatet cilësore (rezultatet nga intervistat);
• interpretimet dhe zgjidhjet e mundshme.

Tabela në vijim tregon një paraqitje të mundshme të posterit:

Ndërsa nxënësit punojnë në posterat e tyre, mësuesi ecën nëpër klasë dhe ofron sugjerime për pyetjet e veçanta ose për rezultatet.
Pasi të kenë përfunduar punën, secilit grup i jepen pesë minuta për të paraqitur posterin e tyre. Të gjithë posterat duhet të afishohen pastaj në shkollë, në një vend ku mund të shihen edhe nga nxënës të tjerë.

Variacion:

Interpretimet dhe zgjedhjet e nxënësve mund të jenë objekt i një diskutimi të mëtejshëm rreth hulumtimit dhe pasojave të mundshme që mund të lindin prej tij, jo vetëm për klasën, por edhe për të gjithë shkollën. Prezantimi në  këshillin nxënësve  ose në takimin me mësuesit  mund të çojë në ndryshime të situatës së pakicave/shumicave në shkollë.