Fleta e punës e nxënësit 1.4: Pyetësor: Njohja e profesionit

Ky pyetësor mund të shërbejë si një pikë fillimi, kur jeni duke u përgatitur për një projekt të zgjedhjes së profesionit. Përshtateni ose zgjeroheni atë sipas nevojës. Nëse keni ndërmend të shkruani një raport që do të shtohet në portofolin tuaj, për shembull, pyetjet kyçe mund të shërbejnë si udhëzues për kuadrin e përmbajtjes.

Një pyetësor është instrumenti më i mirë me të cilin marrim një përshkrim të mirëstrukturuar dhe të detajuar të një pune. Një ditar është më i përshtatshëm në qoftë se doni të regjistroni përvojat tuaja personale dhe ndjenjat gjatë kryerjes së një pune, p.sh. gjatë një stazhi.

1.  Vendi i punës

• Me kë do bashkëpunoni? Kush varet nga puna juaj? Nga puna e cilit vareni ju?
• A është vendi juaj i punës tipik për këtë punë/kategori pune?
• …

2.  Përgjegjësia personale dhe kushtet e punës

• Cili është roli juaj në këtë kompani/zyrë/…?
• Deri në çfarë mase vendosni ju se cilat janë detyrat tuaja? Nëse ju e bëni këtë, si e realizoni? Nëse jo, cili i cakton detyrat për ju?
• Ju lutem përshkruani çfarë përgjegjësie ju është caktuar.
• Deri në çfarë mase jeni të lirë në menaxhimin tuaj dhe në përdorimin e kohës? (Koha e punës, orët e punës, koha e lirë, pushimet.)
• Sa kohë punoni mesatarisht në ditë/në javë?
• A punoni me turne – natën – në fundjavë?
• Çfarë të ardhurash mund të pres në këtë punë? A ka ndonjë të dhënë në dispozicion të publikut? (Normale se kjo është një pjesë e rëndësishme e informacionit për ju, por shumë njerëz nuk janë të gatshëm për të dhënë detaje në lidhje me të ardhurat e tyre, dhe kuptohet kjo. Kështu që ju duhet të shpjegoni se pse ju intereson kjo pyetje, dhe të zbuloni se çfarë informacioni është i gatshëm për të dhënë partneri juaj në intervistë.)
• A është e mundur të kombinohet puna juaj me të pasurit e një familje? A është e mundur të punohet me kohë të pjesshme?
• …

3.  Aktivitetet dhe detyrat

• Cilat janë aktivitetet kryesore në punën tuaj?
• Ju lutem, përshkruani një ditë ose javë tipike pune.
• A ka ndonjë aspekt specifik/unik në punën tuaj?
• …

4.  Kërkesat e punës

Në çfarë duhet të jetë i mirë një person që bën punën tuaj dhe çfarë është më pak e rëndësishme?

• Deri në çfarë mase duhet t’i nënshtroheni ju trajnimit në shërbim?
• A ka ndonjë teknologji kyçe apo aftësi të veçanta që duhet t’i perfeksiononi?
• A ndjeni konkurrencë në punën tuaj?
• …

5.  Zgjedhja e një pune, përvoja e punës

• Çfarë trajnimi është i nevojshëm për t’u kualifikuar për punën tuaj?
• Ju lutem, përshkruani zhvillimin e karrierës suaj.
• A do tja rekomandonit dikujt të ndjekë të njëjtën rrugë si ju? A do të ishte e mundur sot?
• Çfarë idesh, dëshirash dhe pritshmërish keni pasur në mendje kur zgjodhët këtë karrierë?
• A janë përmbushur dëshirat tuaja?
• A do të zgjidhni për herë të dytë të njëjtën karrierë, në qoftë se mundeshit?

6.  Mundësitë e punësimit

Parashikimet për zhvillimet e ardhshme të biznesit dhe të punës duhet të lexohen me kujdes. Por është me vlerë të provoni të gjeni se çfarë mund të thuhet në lidhje me zhvillimin e ardhshëm të fuqisë punëtore.

–           Sa aplikantët janë të nevojshme për këtë punë sot? A është e mundur të parashikohen zhvillimet e ardhshme?

–          Çfarë aftësish dhe kualifikimesh do të priten nga aplikantët e ardhshëm?

–          Cila është grupmosha dhe struktura gjinore në punën tuaj? (Përgjigja për këtë pyetje mund t’ju lejojë të parashikoni mundësitë e punësimit në vitet e ardhshme.)

7.  Kontrolloni burime të tjera informacioni

• Zyra Kombëtare ose lokal e punësimit
• Interneti
• …

Përfundim

Si përfundim, nga të gjitha informacionet që kam marrë, a është puna që kam studiuar një mundësi  tërheqëse për mua?

Cilado qoftë  përgjigja – po, jo ose nuk jeni të sigurt – cilat janë arsyet për vendimin tuaj?

A kanë qenë kriteret ato që ju udhëzuan në zgjedhjen tuaj praktike dhe të dobishme?

Sigurisht është më e këndshme po t’i jeni përgjigjur pyetjeve të mësipërme me “po”. Por edhe në qoftë se përgjigjet tuaja janë negative, rezultatet janë të rëndësishme për zhvillimin tuaj të ardhshëm. Ju keni shpëtuar nga zgjedhja e një pune të gabuar, sepse supozimet tuaja dhe pritjet ishin të pasakta, dhe keni dalë nga eksperienca me një ide më të qartë të kritereve që duhet të aplikoni në zgjedhjen e një pune.

Falënderime

Në qoftë se raporti juaj është lexuar nga të tjerët (gjë që është normale), ju duhet të falënderoni partnerin (rët) tuaj të intervistës, dhe të gjithë ata që ju mbështetën.