2. Grupimi i të drejtave të fëmijëve në katër dimensione

Living Democracy » Textbooks » Të ekplorojmë të drejtat e fëmijëve » Pjesa 3: Dokumente dhe materiale mësimore » 2. Grupimi i të drejtave të fëmijëve në katër dimensione

Konventa për të Drejtat e Fëmijës mund të ndahet në katër grupime të të drejtave. Këto kategori mund të përdoren në veprimtaritë mësimore, duke u lejuar nxënësve përpjekjet për t’i grupuar të drejtat në katër kategori. Kjo mund të bëhet individualisht ose në grupe,

I. Të luajmë një rol – do të thotë të jesh i aftë të marrësh pjesë në proceset e vendimmarrjes, liria për të formuar grupe, liria e mendimit dhe liria për të fituar informacion nga burime të ndryshme.

II. Të arrijmë potencialin tonë – do të thotë se duhet të përmbushen kushte të veçanta, në mënyrë që të arrihet zhvillimi i duhur personal. Në ktë grup bëjnë pjesë të drejtat që lidhen me arsimimin, familjen, kulturën dhe identitetin personal si pjesë të rëndësishme të jetës sonë.

III. Të jetosh mirë – E drejta për mbijetesë përfshin nevojat tona bazë. Këto përfshinë ushqimin dhe mbrojtje, standardin e jetesës dhe shëndetin.

IV. Të qenit i lirë nga dëmtimet – do të thotë që të rinjtë kanë të drejtën e mbrojtjes nga abuzimi, shpërfillja, shfrytëzimi ekonomik, tortura, trafiku dhe prostitucioni.

Në listën e mëposhtme, të drejtat renditen në këto ktër kategori:

Grupi	Neni	Titulli i shkurtuar
I. Të luajmë rolin tonë: E drejta për pjesëmarrje	3	Përparësia e nevojave të fëmijës në vendimet politike, juridike dhe legjislacion
	12	Liria e mendimit dhe e drejta për t’u dëgjuar për të gjitha çështjet vetjake
	13	Liria e shprehjes
	14	Liria e mendimit, ndërgjegjes dhe besimit fetar
	15	E drejta e shoqërimit dhe e demostrimeve paqësore në publik
	16	Mbrojtja e privatësisë
	17	E drejta për medien dhe burimet e informacionit
II. Të zhvillojmë potencialin tonë: e drejta për t’u zhvilluar	5	Respektimi i të drejtave të prindërve
	7	Emri dhe nënshtetësia
	8	Mbrojtja e identitetit të fëmijës
	10	Ribashkimi familjar
	21	Birësimi
	23	Fëmijët me aftësi të kufizuar
	28	Arsimimi
	29	Qëllimet e arsimimit
	30	Fëmijët e pakicave

III. Të jetojmë mirë: e drejta jonë për mbijetesë	6	Mbrojtja e mbijetesës dhe zhvillimit
	9	Parimi i mosndarjes nga prindërit
	18	Përgjegjësia e prindërve dhe kujdestarëve
	24	Mbrotja e shëndetit dhe e të drejtës për kujdes shëndetësor
	26	Sigurimet shoqërore
	27	Standarde të përshatshme jetese
	31	Pushim, lojë dhe kohë e lirë
IV. Liria nga lëndimi: e drejta jonë për mbrojtje	2	Mos diskriminimi
	11	Mbrojtja nga rrëmbimi
	19	Mbrojtja nga abuzimi
	20	Të rinjtë pa familje
	22	Fëmijët refugjatë
	25	Rishikimi i trajtimit ose i kujdesit
	32	Puna e fëmijëve
	33	Mbrojtja nga drogat narkotike
	34	Mbrojtja nga shfrytëzimi seksual
	35	Mbrojtja nga shitja dhe trafikimi
	36	Mbrojtja nga të gjitha format e tjera të shfrytëzimit
	37	Tortura dhe burgosja
	38	Lufta dhe konfliktet e armatosura
	39	Rehabilitimi dhe integrimi
	40	Drejtësia për rininë

Në tabelën e mësipërme, mungojnë katër të drejta. Ato nuuk mund të renditen në një nga kategoritë, sepse ato përqendrohen kryesisht në përgjegjësitë e shtetit. Ato janë:

1	Përkufizimi i fëmijës
4	Zbatimi i të drejtave
41	Standardet kombëtare më të larta kanë përparësi
42	Detyrimi për të bërë të njohura të drejtat

1. Versioni i Konventës për të Drejtat e Fëmijës për nxënësit

3. Konventa për të Drejtat e Fëmijës e Kombeve të Bashkuara

Shkarko