УЧИЛИШТЕ ЗАСНОВАНО НА ЧОВЕКОВИ ПРАВА

Living Democracy » Principals » УЧИЛИШТЕ ЗАСНОВАНО НА ЧОВЕКОВИ ПРАВА

Во овој дел, вие како директор веројатно ќе добиете невообичаен предлог: да го оцените вашето училиште преку призма на човековите права. Ваквата цел може да има многу позитивни аспекти, а најважно – дали основниот систем на вредности доволно го унапредува инклузивното учење и личниот развој на секој ученик во вашето училиште. Дали наставниците, сите вработени, родителите, одборот и Вие самите се активно посветени во оваа работа и третирани со истата заемна почит?

За таа цел, предлагаме да се дискутираат пет теми, проследени со пет соодветни прашања:

Дали вашето училиште е проактивно инклузивно преку барање и овозможување на учество на сите ученици, особено оние кои се „различни“ етнички, културолошки, лингвистички, социо-економски и во однос на вештини и компетенции?
Дали вашето училиште е академски ефикасно и релевантно за да ги помогне потребите на учениците за животни вештини и потребното знаење и компетенции?
Дали вашето училиште е доволно здраво и безбедно за да се овозможи емоционална, психолошка и физичка добросостојба на ученикот?
Дали вашето училиште е родово одговорно во создавањето на околина и компетенции кои ја поддржуваат еднаквоста?
Дали вашето училиште активно ги ангажира учениците, нивните семејства и заедницата во сите аспекти од животот на училиште?

За сите пет теми, ќе најдете краток воведен текст во корист на вашата свесност и свесноста на вашите соработници, проследено со список на индикатори за ваше колективно прегледување. Мо е да најдете и список на дополнителни индикатори.

Нашиот предлог за самооценување е следниот:
Заедно со тим, одберете една од петте теми. Во рамките на таа тема, ве молам повторно стеснете го оценувањето до 10 индикатори кои најмногу ве интересираат.

	(Тема 1) Инклузивност	(Тема 2) Ефикасност	(Тема 3) Здравје и безбедност	(Тема 4) Родова чувствителност	(Тема 5) Вклученост на заедницата
Клучно прашање	Колку е моето училиште инклузивно и кое е основното разбирање на концептот на инклузивност помеѓу стручњаците во моето училиште?	Колку академски ефикасно е моето училиште во исполнување на ветувањето за квалитетно образование за сите?	Колку здраво и безбедно е моето училиште во однос на емоционалната, психолошката и физичката добросостојба на учениците?	Дали моето училиште има родова чувствителност во создавањето на средина и компетенции кои ја поддржуваат еднаквоста?	Колку моето училиште активно ги вклучува учениците, семејствата и заедницата во сите аспекти од животот на училиште?